პწყილის დაყვერვა

(ეთნ.) რწყილის დაყვერვა. ხულოს რაიონში იციან „პწყილის დაყვერვა“. რწყილმა რომ არ იმრავლოს, მარტის პირველ დღეს ერთი ადამიანი ადის სახლის ჭერში. ხელში ცოცხი უჭირავს. მეორე ოთახში რჩება და შესძახებს პირველს! მანდ რას იჯებიო? ჭერში მყოფი უპასუხებს: – ია და ვარდსაო. ამას სამჯერ გაიმეორებენ. როცა ძირში მყოფი მეოთხეჯერ შეეკითხება, – მანდ რას იჯებიო, მაშინ ჭერში მყოფი გადმოსძახებს: – პწყილს ვყვერავო. ამასთან ერთად, ცოცხით გვისჭერს და თან გაიძახის: მარტი, მარტმეტი, ჩემს სახში პწყილი არც ერთი, ღელიებში – სახვეტი!“