მსოფლიო ო. მოძრაობის ცენტრის (სოკ-ის) წევრებს ირჩევენ სოკ-ის სესიაზე (მათ უფლება აქვთ გადადგომისა, მაგრამ მათი შეცვლა დაუშვებელია). ქვეყნის შიგნით ოლიმპიური მოძრაობის ერთადერთ ორგანოდ ითვლება ეროვნული ო. კომიტეტი, რომლის იურისდიქცია სახელმწიფოში უნდა სცნოს და აღიაროს მხოლოდ სოკ-მა (ამის შემდეგ უფლება ეძლევა სპორტსმენს მონაწილეობა მიიღოს საერთაშორისო ო. თამაშებში). სოკ-ი ვალდებულია თვალყური ადევნოს ო. თამაშების ჩატარების რეგულარობას, განსასღვროს შეჯიბრების პროგრამა, მონაწილეთა შემადგენლობა (საერთაშორისო სპორტულ ფედერაციებთან და სახელმწიფოების სპორტულ ორგანიზაციებთან ერთად). სოკ–ის სესიებს შორის (ტარდება წელიწადში ერთხელ) მუშაობას ახორციელებსაღმასრულებელი კომისია. ფაქტობრივად იგი აწარმოებს როგორც სესიას, ისე ყოველდღიურ საქმიანობა-მოღვაწეობას. 1980 წ-დანსოკ-ის პრეზიდენტია ცნობილი დიპლომატი, მრეწველი, საერთშორისო სპორტული და ო. მოშრაობის სახელოვანი მოღვაწე ხუან ანტონიო სამარანჩი (ესპანეთიდან. 1920).
Source: ფიზიკური აღზრდისა და სპორტის მცირე განმარტებითი ლექსიკონი/როინ ტაგანაშვილი ; რედ.: ოთარ ჭურღულია, ნუგზარ მუზაშვილი ; ივ. ჯავახიშვილის სახ. თბილ. სახელმწ. უნ-ტის სოხუმის ფილიალი.თბილისი. : თბილ. უნ-ტის გამ-ბა, 1997
to main page 
top of page