დახურული არქიტექტურულინაგებობა სპორტული შეჯიბრებებისა და სხვა სანახაობით-კულტურულ ღონისძიებათა ჩასატარებლად.
თბილისის სპორტის სასახლის გუმბათლვანი გადახურვა კონსტრუქციის უნიკალურობაზე მეტყველებს. თბილისის ს.ს. იტევს 10500 მაყურებელს. მთავარი არენის ზომებია 44 X 27,4 მ. გააჩნია 2 სათადარიგო სპორტული დარბაზი, სადაც საქართველოს ნაკრები გუნდები: კალათბურთში, ხელბურთში, ჭიდაობაში (ყველა სახეობა) და სხვ. გადიან სპორტულ წვრთნას: ეწყობა როგორც ეროვნული, აგრეთვე საერთაშორისო შეჯიბრებები.
თბილისის ს.ს. აშენდა 1961 წ . არქიტექტორები: ვ. ალექსი-მესხიშვილი, ი. კასრაძე; კონსტრუქტორი – დ. ქაჯაია.
Source: ფიზიკური აღზრდისა და სპორტის მცირე განმარტებითი ლექსიკონი/როინ ტაგანაშვილი ; რედ.: ოთარ ჭურღულია, ნუგზარ მუზაშვილი ; ივ. ჯავახიშვილის სახ. თბილ. სახელმწ. უნ-ტის სოხუმის ფილიალი.თბილისი. : თბილ. უნ-ტის გამ-ბა, 1997
to main page 
top of page