ამერიკული ფეხბურთი

სპორტული თამაში, ეგროპული რაგბის მსგავსი. გამოირჩევა თამაშის მანერით, ტაქტიკით, თამაშის სიმკვეთრით. თამაშობენ ხელით და ფეხით. ადგილი აქვს ხშირ ტრავმებს. დიდი პოპულარობით სარგებლობს აშშ, კანადაში, იაპონიაში. თამაშის მიზანია ოვალური ბურთის (396-424) მოწინააღმდეგე გუნდის საგოლე ხახის გარეთ, ან კარებში გატანა. მოწინააღმდეგე გუნდი ცდილობს ჩაშალოს შეტევა. გუნდში 11 კაცია, სათადარიგო მოთამაშეთა რაოდენობა ნებისმიერია. თამაშის დრო 60 წთ. იყოფა 4 პერიოდად. I და III პერიოდების შემდეგ, შესვენება 1 წთ. II პერიოდის შემდეგ კი 15 წთ. სათამაშო მოედნის ზომებია 109,75 X 48,80 მ. კარიდან-კარამდე მოედანი დაყოფილია სიგანეზე 20 თანაბარ მონაკვეთად (გამორიცხულია მეკარის მოედანი). კარების სიგანე 5,50 მ. კარების ზედა ძელის სიმაღლე – 3,05 მ., კარების დგარების სიმაღლე – 6,10 მ. მოთამაშეთა ეკიპირება, ჰოკეისტების მსგავსია. ამერიკულ ფეხბურთში შეჯიბრება პირველად 1874 წ. გაიმართა.