(discussio განხილვა, გამოკვლევა) რომელიმე სადავო საკითხის, პრობლემის განხილვა. დისკუსიის მნიშვნელოვანი მახასიათებელი, რომლითაც ის განსხვავდება დავის სხვა სახეებისაგან, არის არგუმენტირებულობა. სადავო (სადისკუსიო) პრობლემის განხილვის დროს ყოველი მხარე, თანამოსაუბრის აზრის ოპონირებისას, ასაბუთებს თავის პოზიციას. დისკუსია არის სწავლების მეთოდი, რომელიც ორიენტირებულია კრიტიკული აზროვნებისა და კომუნიკაციური უნარების განვითარებაზე, როელიც გულისხმობს აზრების მიზანმიმართულ და თანაიმდევრულ გაცვლას. მისი მიზანია ურთიერთსაწინააღმნეგო აზრების მიყვანა საერთო საფუძვლამდე. დისკუსიის საფუძველში ძევს წინააღმდეგობა, რომელიც ასახავს ერთი და იმავე საგნის შესახებ მონაწილეთა ურთიერთსაწინააღმდეგო შეხედულებებს.
Source: პედაგოგიკურ ტერმინთა განმარტებითი ლექსიკონი /ჯემალ ჯინჯიხაძე;, რედაქტორი თამაზ კარანაძე. თბილისი: უნივერსალი, 2017.
to main page 
top of page