აზრი გარდაქმნის შესახებ. იდეის დაბადება ინდივიდუალური პროცესია. მის საფუძველში ძევს გამოცდილება, ინტუიცია, აზრითი სინჯვები და ექსპერიმენტები, ლოგოკური გააზრებანი. იდეა იბადება მაშინ, როცა გამოცდილებაში გროვდება ისეთი ფაქტები, რომლებიც ვერ თავსდება არსებული და დამკვიდრებული ახსნის სფეროში, როცა ამ ფაქტებს საერთოდ ვერ ხსნის ან ბუნდოვნად ხსნის არსებული თეორიები. სწორედ მაშინ ჩნდება სურვილი და მოთხოვნილება რაღაც ახალი თეორიის შექმნის. და ეს ახალი თეორია იმთავითვე ჩაისახება მისი არსებობის იდეისა და ჩანაფიქრის სახით.
Source: პედაგოგიკურ ტერმინთა განმარტებითი ლექსიკონი /ჯემალ ჯინჯიხაძე;, რედაქტორი თამაზ კარანაძე. თბილისი: უნივერსალი, 2017.
to main page 
top of page