ინტუიცია ემყარება ქვეცნობიერს, წარმოსახვას, ემპათიას, გონების გამჭრიახობას, ალღოს. ინტუიციას უდიდესი მნიშვნელობა აქვს ადამიანის შემოქმედებითი საქმიანობისათვის, როცა აუცილებელია ახალი ცოდნის აღმოჩენა ან გამოყენება რეალობის გარდაქმნის ან სრულყოფისას. ამოცანის ამოხსნის პროცესში ადამიანის ინტელექტი და მისი ინტუიცია ერთიანობას ქმნიან.ისე, რომ ინტუიციურისა და ლოგიკურის ურთიერთდაპირისპირება მთლად კორექტული ვერ არის, ინნტუიცია ადამიანის გულისა და გონების ურთიერთჰარმონიულობის ხარისხითაა განპირობებული, იგი ამ ჰარმონიულობაში აღმოცენდება, რაც უფრო ურთიერთჰარმონიულია ადამიანის გული და გონება, მით განვითარებულია მისი ინტუიცია.
Source: პედაგოგიკურ ტერმინთა განმარტებითი ლექსიკონი /ჯემალ ჯინჯიხაძე;, რედაქტორი თამაზ კარანაძე. თბილისი: უნივერსალი, 2017.
to main page 
top of page