უმაღლეს სასწავლო დაწესებულებაში: ფაკულტეტის ძირითადი სტრუქტურული ერთეული, რომელიც ახორციელებს მსმენელების, სტუდენტებისა და კურსანტების მომზადებას გარკვეული სპეციალიზაციის ჩარჩოებში. უმაღლეს სასწავლებელში კათედრის საქმიანობაში შედის: სასწავლო, მეთოდიკური და მეცნიერულ-კვლევითი მუშაობა ერთ ან რამდენიმე მონათესავე დისციპლინაში, აღმზრდელოითი მუშაობა სტუდენტებს შორის, ასევე, მეცნიერულ-პედაგოგიური კადრების მომზადება, სპეციალისტების კვალიფიკაციის ამაღლება. კათედრას განაგებს, როგორც წესი, პროფესორი, მეცნიერებათა დოქტორი. მის შემადგენლობაში შედიან: პროფესორები, დოცენტები, ასისტენტები, უფროსი მასწავლებლები, უფროსი და უმცროსი მეცნიერი მუშაკები, ასპირანტები და სხვ. კათედრას აქვს თავისი სასწავლო ლაბორატორიები და კაბინეტები. კათედრის მოვალეობაში შედის: ლექციების, ლაბორატორიული, სემინარული, პრაქტიკული და სხვა. მეცადინეობების ჩატარება, სასწავლო და საწარმოო პრაქტიკის, კვლევითი მუშაობის, საკურსო და სადიპლომო პროექტების ხელმძღვანელობა, საკურსო გამოცდებისა და ჩათვლების ჩატარება და სხვა.
Source: პედაგოგიკურ ტერმინთა განმარტებითი ლექსიკონი /ჯემალ ჯინჯიხაძე;, რედაქტორი თამაზ კარანაძე. თბილისი: უნივერსალი, 2017.
to main page 
top of page