ძველი ბერძნული მითოლოგიის თანახმად, ალკიმონის ძე, კუნძულ ითაკიიდან, ოდისევსის ძველი მეგობარი და თანამგზავრი, რომელსაც ოდისევსმა, ტროას ომში წასვლის წინ, სახლი და ჯალაბობა ჩააბარა და მათზე ზრუნვა დაავალა. ბოლომდე მეგობრის ერთგული დარჩა, წინ ეღობებოდა გათავხედებულ სასიძოებს, აღზარდა ოდისევსის შვილი ტელემაქე, რჩევებს აძლევდა, სახლს უვლიდა. ხშირად თვით ათენი იღებდა მენტორის სახეს და ისე არიგებდა ტელემაქეს, იცავდა ოდისევსს. ასე გამოეცხადა მენტორი-ათენა პირველად ტელემაქეს და ბოლოს ოდისევსს, რომელიც სასიძოების წინააღმდეგ გაბედული მოქმედებისათვის წააქეზა, თუმცა, სასიძო აგელაოსი მოკვლით და შვილების სახლიდან გაყრით დაემუქრა. ამ საფუძველზე განზოგადდა მენტორის სახელი. მენტორი საზოგადო სახელად იქცა და ხშირად გამოიყენება დამრიგებლის ან ახალგაზრდობის ხელმძღვანელის აზრით.
to main page 
top of page