პედაგოგიკის დარგი, რომელიც შექმნა ვალდორფის სკოლის დამაარსებელმა, ავსტრიელმა რუდოლფ შტეინერმა ანთროპოსოფიისა და რელიგიურ-მისტიკური მოძღვრების საფუძველზე. ანთროპოსოფოსები თვლიან, რომ ბავშვი ვითარდება ციკლურად და ამა თუ იმ ცოდნის ათვისებისათვის არსებობს გარკვეული დრო. ამ დროის დაჩქარება ბავშვისათვის მხოლოდ უარყოფითი შედეგის მომტანია. ადრეულ განვითარებას შტაინერის სკოლის წარმომადგენლები არ ცნობენ. მათი თქმით, ყველაფერს თავისი დრო აქვს, ბავშვი უნდა დატკბეს ბავშვობით და მხოლოდ მაშინ განვითარდება იგი ჰარმონიულად.
Source: პედაგოგიკურ ტერმინთა განმარტებითი ლექსიკონი /ჯემალ ჯინჯიხაძე;, რედაქტორი თამაზ კარანაძე. თბილისი: უნივერსალი, 2017.
to main page 
top of page