მათემატიკური აზროვნების სპეციფიკური ტიპი. ეს ტიპი მჟღავნდება ტოპოლოგიურის შემდეგ, თითქმის დაუყოვნებლივ, განაპირობებს ლოგიკურ ოპერაციათა ზუსტ მიმდევრობას. თუ „ტოპოლოგები“ ოპერაციებს ერთ მთლიანობაში ათავსებენ, ამ ტიპისანი გამოყოფენ ოპერაციათა მიმდევრობას. მათთვის თანდათან უფრო მნიშვნელოვანი ხდება. ობიექტების ფორმა და ზომა (მეტია თუ ნაკლები), მათ შორის მიმართებანი (მაღლა, დაბლა, მარჯვნივ, მარცხნივ და სხვა.) თანდათანობით ეჩვევიან ალგორითმების გამოყენებას. ყოველდღიურ ცხოვრებაში პედანტები არიან, ძალიან იშვიათად გადაუხვევენ დადგენილ წესებს და ყოველთვის ზუსტად მისდევენ ინსტრუქციებს.
Source: პედაგოგიკურ ტერმინთა განმარტებითი ლექსიკონი /ჯემალ ჯინჯიხაძე;, რედაქტორი თამაზ კარანაძე. თბილისი: უნივერსალი, 2017.
to main page 
top of page