აღზრდის ერთ-ერთი უმნიშვნელოვანესი მხარეა მოქალაქის აღზრდა. მოქალაქე ტერიტორიულ-პოლიტიკური გაერთიანების, სახელმწიფოს წევრია, რომელსაც აქვს ამ წევრობასთან დაკავშირებული თავისი უფლებები და მოვალეობები. სამოქალაქო აღზრდა განვითარებაა, ფორმირებაა იმ თვისებებისა, რომლებიც აუცილებელია სახელმწიფოს წევრისთვის, კერძოდ: ეს არის პოლიტიკური კულტურა, სამართლებრივი კულტურა და პატრიოტიზმი. სამოქალაქო აღზრდის სამი მდგენელის გამოყოფა (პოლიტიკური აღზრდა, სამართლებრივი აღზრდა, პატრიოტული აღზრდა) აიხსნება ადამიანი-მოქალაქის მიმართებით: საზოგადოებისადმი.
ეს არის ადამიანის განვითარება, საზოგადოებრივ-პოლიტიკურცხოვრებაში აქტიური მონაწილეობისაკენ მისი სწრაფვის ფორმირება (პოლიტიკური აღზრდა).
სახელმწიფოსადმი. ეს არის ადამიანის განვითარება, სახელმწიფოს მიერ ქცევის დადგენილი ნორმების დაცვისაკენ მისი სწრაფვის ფორმირება (სამართლებრივი აღზრდა). ქვეყნისადმი, ეს არის ადამიანის განვითარება, ქვეყნის გაუმჯობესებისა და დაცვისაკენ მისი სწრაფვის ფორმირება (პატრიოტიზმის აღზრდა).
Source: პედაგოგიკურ ტერმინთა განმარტებითი ლექსიკონი /ჯემალ ჯინჯიხაძე;, რედაქტორი თამაზ კარანაძე. თბილისი: უნივერსალი, 2017.
to main page 
top of page