გონებრივი იერიში

1. E.
   (პრობლემის ამოხსნის ოპერატიული მეთოდი, რომელიც ემყარება შემოქმედებითი აქტივობის სტიმულირებას. შემოღებულია ოსბორნის მიერ. გონებრივი იერიშის დროს მონაწილეებს ეძლევათ საშუალება, გამოთქვან პრობლემის ამოხსნის რაც შეიძლება მეტი რაოდენობის ვარიანტი, მათ შორის ყველაზე ფანტასტიკურიც კი. დაუშვებელია კრიტიკა. შემდეგ, გამოთქმული იდეების საერთო რაოდენობიდან შეარჩევენ ისეთებს, რომელთა გამოყენება შეიძლება პრაქტიკაში. წარმოადგენს ექსპერიმენტული შეფასების მეთოდს. სწორად ორგანიზებული გონებრივი იერიში მოიცავს სამ აუცილებელ ეტაპს, რომლებიც განსხვავდებიან მათი ჩატარების ორგანიზაციითა და წესებით. ეს ეტაპებია:
2. პრობლემის დასმა,
3. იდეების გენერაცია,
4. იდეების დაჯგუფება, შერჩევა და შეფასება. გონებრივი იერიში არის სწავლების მეთოდი, რომლის მიზანია კრეაციული უნარების განვითარება-ანალიზი იდეების ძიება და აღმოცენება, ასევე, მათი ანალიზი და სინთეზი.
   Source: პედაგოგიკურ ტერმინთა განმარტებითი ლექსიკონი /ჯემალ ჯინჯიხაძე;, რედაქტორი თამაზ კარანაძე. თბილისი: უნივერსალი, 2017.