სოფელი ზემომაჩხაანის თემში. გომბორის ქედის დაბოლოებაზე, სამხრეთ აღმოსავლეთ კალთაზე ზ.დ. 770 მ. აქ არის ნიკო ფიროსმანაშვილის სახლ-მუზეუმი. საყოველთაო გადმოცემით, იყვნენ ძმები მაჩხა (მაჩხახანი). მირზა (მირზახანი). მაჩხას მაჩხაანი დაუარსებია, მირზას – მირზაანი. ტოპონიმი „მირზაანი“ ალექსანდრე ბატონიშვილს „მირზატანი“ ფორმითაც აქვს დამოწმებული.
ალ. ღლონტი წერს: „გადმოცემით, მირზა + ხან-ი, „ხ“-ს ჩავარდნით > მირზაანი (ნ. ტიბაანი, მაჩხაანი, ჯუგაანი). ნამდვილად მიღებულია გვარიდან მირზაშვილები.
მირზაანის ეკლესიებია: ალავერდი, კვირაცხოველი, ყველაწმინდა, „ნაეკლესიარი“. მირზაანი ექვემდებარება საქ. საპატრიარქოს ხორნაბუჯისა და ჰერეთის ეპარქიას.
აქ სახლობენ გვარები: ალუღიშვილი, ბარამაშვილი, ბედაშვილი, ბეჭოშვილი, ბეროშვილი, გაგნიძე, გავაშელი, გივიშვილი, გობეჯიშვილი, გომელაური, გონაშვილი, დათუკიშვილი, დეკანოზაშვილი, ვარდიაშვილი, ზურაშვილი, თარაშვილი, კაკალაშვილი, კახეთელიძე, კვანჭილაშვილი, კირურგიანი, კორკოტაშვილი, კოტაევი, კოჭლამაზაშვილი, კოხტაშვილი, ლაპიაშვილი, ლეკიაშვილი, ლეჟავა, ლობჟანიძე, მათეშვილი, მამადაშვილი, მარტყოფლიშვილი, მაძღარაშვილი, მელიქიძე, მოხევე, მურადაშვილი, ნატროშვილი, პაპაშვილი, პოპიაშვილი, რეხვიაშვილი, სულაშვილი, ფიროსმანაშვილი, ფოცხვერაშვილი, ღორაშვილი, ყოჩიაშვილი, ჩაგელიშვილი, ჩიჩხაშვილი, ხარაშვილი, ხუციშვილი, ჯაგაშვილი, ჯარიაშვილი, ჯიღიტაშვილი...
to main page 
top of page