აპარატი – აპარატურა (აპარატურის[ა]);

1. ხელსაწყო;

2. მმართველობითი დაწესებულებების ერთობლიობა;

3. გარკვეული ფიზიოლოგიური ფუნქციის მქონე ორგანოთა ერთობლიობა;

4. მეცნიერულ გამოცემაში ტექსტის განსამარტავი შენიშვნები, საძიებლები, ცხრილები და მისთ.

აპარატურას კი მხოლოდ ერთი მნიშვნელობა აქვს – ის ხელსაწყოთა ერთობლიობას აღნიშნავს. ეს ორი სიტყვა ზეპირ მეტყველებაში ზოგჯერ ერთმანეთში ირევა და უფრო ხშირად აპარატურას ხმარობენ აპარატის ნაცვლად; მაგ., სახელმწიფო აპარატურა; გამოკვლევას თან ერთვის ვრცელი სამეცნიერო აპარატურა, უნდა იყოს: სახელმწიფო აპარატი; გამოკვლევას თან ერთვის ვრცელი სამეცნიერო აპარატი და ა. შ.