სიტყვები ბატონი და ქალბატონი, რომლებიც ქართულ ენაში თავაზიანი მიმართვისას წინ უძღვის პირის სახელს ან გვარს, განსხვავებით პროფესიისა და ხელობა-წოდების სახელთაგან (ექიმი, ინჟინერი, პროფესორი), საზღვრულ სახელებს შეეწყობა თანხმოვანზე ფუძეგათავებულ მსაზღვრელთა დარად: მიცემითსა და ვითარებითში – ფუძის სახით, ნათესაობითსა და მოქმედებითში – ი ხმოვნის შენარჩუნებით: ბატონ ზურაბს / ზურაბად, ბატონი ზურაბის / ზურაბით; ქალბატონ მარიამს / მარიამად, ქალბატონი მარიამის / მარიამით). მიმართვისას საკუთარი სახელი ფუძის სახით იხმარება: ბატონო ზურაბ! ქალბატონო მარიამ!
Source: „ჟურნალისტის ორთოგრაფიულ-სტილისტიკური ლექსიკონი“: მთავარი რედაქტორი - თამარ ვაშაკიძე; არნოლდ ჩიქობავას ენათმეცნიერების ინსტიტუტი; გამომცემლობა „უნივერსალი“; თბილისი, 2009, 0179, ი. ჭავჭავაძის გამზ. 9.
to main page 
top of page