გადმოყრა ძველი საახალწლო წეს-ჩვეულება სოფელ გერგეტში. ძველი სტილით, ახალწელ დილით (14 იანვარი) გამართული საახალწლო რიტუალი. წმინდა სამების ეკლესიიდან ჩამოაბრძანებდნენ ხოლმე ხატებს ყოველი წლის 14 იანვარს, გამთენიისას (დილით), მთელი სოფლის მამაკაცები, ახალგაზრდობა და ბავშვები შეიკრიბებიან სოფლის თავში მდებარე ერთ-ერთ ძველი ბანიანი სახლის ეზოში. იქ იმართება საახალწლო სუფრა, სასმელ-საჭმლით და ტკბილეულით. დალოცავენ ახალი წლის დადგომას. შემდეგ მამაკაცები და ახალგაზრდები ავლენ ბანაზე, აიტანენ კამფეტებს და იქიდან დაბლა გადმოუყრიან ბავშვებს. ამით სიტკბოს უსურვებენ მათ და მიულოცავენ ახალწელს. ბავშვები სიხარულითა და ჟრიამულით კრეფენ კამფეტებს. აი, ამ საახალწლო რიტუალს გერგეტლები უწოდებენ გადმაკრას.
Source: მოხევური ლექსიკონი / [შემდგ.: ნაზი სუჯაშვილი, ირმა ფიცხელაური ; რედ. ამირან არაბული]. თბ. : ქართული ენა, 2005.
to main page 
top of page