კატოკ-ი

1. მრგვალი, ცილინდრული ფორმის ქვის კანჭებიანი სალეწი მორგვი. მრგვალ მორგვს ორივე მხრიდან ცენტრში 10-15- სმ.-ის სიღრმეზე ჩაუჭრიდნენ, რომ მასში რკინის ღერძები ჩაემაგრებინათ. სალეწ კატოკს უკეთებდნენ კანჭებს ანუ ნეკნებს. კატოკში ერთი ცხენი იბმოდა, და გადმოცემით, პირუტყვის ფეხით ლეწვასთან შედარებით რამდენადმე აჩქარებდა ლეწვის პროცესს.
2. მრგვალი, ცილინდრული ფორმის ქვის მორგვი, იყენებდნენ ადრე, ხევში ბანიანი სახლების, ბანის შემიწვის შემდეგ, ბანის გასატკეპნად. კატოკის ზომებია: სიგრძე –_ 65-75-სმ; დიამეტრი – 48-50 სმ.
   Source: მოხევური ლექსიკონი / [შემდგ.: ნაზი სუჯაშვილი, ირმა ფიცხელაური ; რედ. ამირან არაბული]. თბ. : ქართული ენა, 2005.