Gk. meiosis შემცირება, რედუქცია განვითარებადი სასქესო უჯრედებისათვის დამახასიათებელი გაყოფის ტიპი. ამ პროცესის დროს ქრომოსომების რაოდენობა ორჯერ მცირდება და ქრომოსომების კომპლექტი გარდაიქმნება ჰაპლოიდურად. მეიოზი იყოფა ორ ეტაპად, რომელთაც I და II დაყოფა ეწოდებათ. თითოეულ დაყოფას აქვს პროფაზა, მეტაფაზა, ანაფაზა, ტელოფაზა. I დაყოფის წინ ხდება ქრომოსომების გაორმაგება. I დაყოფის პროფაზა ძალიან ხანგრძლივია და შედგება 5 სტადიისაგან – ლეპტონემა, ზიგონემა, პაქინემა, დიპლონემა და დიაკინეზი. ტერმინი შემოთავაზებულია ფარმერის და მურის მიერ 1905 წელს.
Source: გოგიჩაძე გიორგი, ლექსიკონი ბიოლოგიური და სამედიცინო ტერმინები და ცნებები / გ. გოგიჩაძე, გ. კანდელაკი, თ. გოგიჩაძე. - თბ. : [მერიდიანი], 2011. - 442გვ. ; 20სმ.. - ყდაზე ავტ. მითით. არ არის. - რეზ. რუს. და ინგლ.. - ISBN: 978-9941-10-427-5[MFN: 146200]