ცხოველებში ორი სქესის განმასხვავებელი თავისებურებების ერთიანობა (პირველადი სასქესო ნიშნების გამოკლებით). მეორადი სასქესო ნიშნები ვითარდება სქესობრივი მომწიფების პერიოდში სასქესო ჰორმონების ზემოქმედებით. ადამიანში მეორადი სასქესო ნიშნებია – განსხვავება სხეულის ზომებსა და პროპორციებში, თმოვანი საფარველი, კანქვეშა ცხიმის დაგროვება, ხმის ტემბრი, ქალის სარძევე ჯირკვლები, ხორხის ხრტილი მამაკაცში („ადამის ვაშლი“) და სხვ. ცხოველებში მეორადი სასქესო ნიშნები შეიძლება იყოს მუდმივი ან შეიძლება გამოვლინდეს ე.წ. „საქორწილო სეზონებში“.
Source: გოგიჩაძე გიორგი, ლექსიკონი ბიოლოგიური და სამედიცინო ტერმინები და ცნებები / გ. გოგიჩაძე, გ. კანდელაკი, თ. გოგიჩაძე. - თბ. : [მერიდიანი], 2011. - 442გვ. ; 20სმ.. - ყდაზე ავტ. მითით. არ არის. - რეზ. რუს. და ინგლ.. - ISBN: 978-9941-10-427-5[MFN: 146200]