ბიოლოგიური წარმოშობის მკვრივი კონსისტენციის ნივთიერებაა. სახელწოდება „მუმიო“ ბერძნულად ნიშნავს „სხეულის შემანარჩუნებელს“. შეიცავს ამინომჟავებს, ცვილს, სხვადასხვა მცენარეულ ნარჩენებს, ფისებს, ჰიპურის მჟავას და ბენზომჟავას. იყენებენ მოტეხილობების სამკურნალოდ, ასტიმულირებს ძვლოვანი ქსოვილის რეგენერაციას, აჩქარებს ჭრილობების შეხორცებას. გამოიყენება კუჭ-ნაწლავის, სასუნთქი გზების, შარდ-სასქესო გზების დაავადებების და ასთმის სამკურნალოდ.
Source: გოგიჩაძე გიორგი, ლექსიკონი ბიოლოგიური და სამედიცინო ტერმინები და ცნებები / გ. გოგიჩაძე, გ. კანდელაკი, თ. გოგიჩაძე. - თბ. : [მერიდიანი], 2011. - 442გვ. ; 20სმ.. - ყდაზე ავტ. მითით. არ არის. - რეზ. რუს. და ინგლ.. - ISBN: 978-9941-10-427-5[MFN: 146200]