პირველად აღწერა უნგრელმა მეცნიერმა, დერმატოლოგმა მ. კონმა ქალაქ კაპოშვარიდან. მ. კონი ცნობილია როგორც მ. კაპოში. ეს სარკომა ყველა სიმსივნის მხოლოდ 0,02%-ს შეადგენს, შიდს-თან დაკავშირებით კი მისმა სიხშირემ საგრძნობლად (4%-მდე) მოიმატა. ამ სიმსივნის დროს ზიანდება არა მარტო კანი და კანქვეშა შრეები, არამედ პრაქტიკულად ყველა შინაგანი ორგანო. სიმსივნის უჯრედულ სუბსტრატს წარმოადგენენ თითისტარისებრი უჯრედები, რომლებიც ხშირად ამჟღავნებენ ფაგოციტურ აქტივობას.
Source: გოგიჩაძე გიორგი, ლექსიკონი ბიოლოგიური და სამედიცინო ტერმინები და ცნებები / გ. გოგიჩაძე, გ. კანდელაკი, თ. გოგიჩაძე. - თბ. : [მერიდიანი], 2011. - 442გვ. ; 20სმ.. - ყდაზე ავტ. მითით. არ არის. - რეზ. რუს. და ინგლ.. - ISBN: 978-9941-10-427-5[MFN: 146200]