Gk. bios სიცოცხლე, logos მოძღვრება, methodos კვლევა მავნე ორგანიზმების რაოდენობის შემცირება სხვა ცხოველების, კერძოდ, მტაცებლების, პარაზიტების (ე.წ. სუპერპარაზიტების) მეშვეობით. მაგ., თევზ გამბუზიას გამოყენება მალარიის კოღოს მატლების გასანადგურებლად. ზოგჯერ ატარებენ მავნე სახეობის მამრების სტერილიზაციას, რითაც საგრძნობლად აქვეითებენ ამავე სახეობის ფერტილური ინდივიდების აქტიურ გამრავლებას და ნაყოფიერებას, აგრეთვე იწვევენ მათში ინფექციურ დაავადებებს სხვადასხვა მიკროორგანიზმებით ანდა ზემოქმედებენ მათზე ბიოტოქსინებით.
Source: გოგიჩაძე გიორგი, ლექსიკონი ბიოლოგიური და სამედიცინო ტერმინები და ცნებები / გ. გოგიჩაძე, გ. კანდელაკი, თ. გოგიჩაძე. - თბ. : [მერიდიანი], 2011. - 442გვ. ; 20სმ.. - ყდაზე ავტ. მითით. არ არის. - რეზ. რუს. და ინგლ.. - ISBN: 978-9941-10-427-5[MFN: 146200]