ბლასტურ, უმწიფარ, აგრეთვე სიმსივნურ უჯრედებს ახასიათებთ მაღალი ბირთვულციტოპლაზმური შეფარდება (ე.ი. ბირთვი დიდი მოცულობისაა, ციტოპლაზმა კი მცირე). უჯრედების დიფერენცირების პროცესში ეს შეფარდება თანდათანობით კლებულობს. დიფერენცირებულ უჯრედებს აღნიშნული შეფარდება საშუალო აქვთ ან დაბალიც კი. ჰერტვინგის მიხედვით აღნიშნული შეფარდების ცვლილება უჯრედის გაყოფის გამშვები მექანიზმია. ამ შეფარდებას გამოხატავენ რიცხობრივად (მაგ., მაღალი ბირთვულციტოპლაზმური შეფარდება შეესაბამება დაახლოებით 0,90-0,95-ს, საშუალო – 0,50-0,55-ს, დაბალი – 0,25-0,30-ს და ა.შ.).
Source: გოგიჩაძე გიორგი, ლექსიკონი ბიოლოგიური და სამედიცინო ტერმინები და ცნებები / გ. გოგიჩაძე, გ. კანდელაკი, თ. გოგიჩაძე. - თბ. : [მერიდიანი], 2011. - 442გვ. ; 20სმ.. - ყდაზე ავტ. მითით. არ არის. - რეზ. რუს. და ინგლ.. - ISBN: 978-9941-10-427-5[MFN: 146200]