მრავალწლიანი ბალახოვანი სპოროვანი მცენარეებია. გვხვდება ხეების სახითაც. გააჩნიათ მძლავრი ფესურა, რომელზეც ვითარდება დამატებითი ფესვები და გრძელყუნწიანი ფოთლები. ზოგიერთი გვიმრის ფესურა შხამიანია, რადგანაც ისინი შეიცავენ ალკალოიდ ფილიცინს. მისგან ღებულობენ ადამიანის ზოგიერთი პარაზიტული ჭიის საწინააღმდეგო წამალს. გვიმრებში შეინიშნება სქესობრივი და უსქესო თაობების მონაცვლეობა. სქესობრივი თაობა – წინაზრდილი, მამრობითი და მდედრობითი სასქესო ორგანოებით (ანთერიდიუმით და არქეგონიუმით), უფრო სუსტადაა განვითარებული, ვიდრე უსქესო თაობა.
Source: გოგიჩაძე გიორგი, ლექსიკონი ბიოლოგიური და სამედიცინო ტერმინები და ცნებები / გ. გოგიჩაძე, გ. კანდელაკი, თ. გოგიჩაძე. - თბ. : [მერიდიანი], 2011. - 442გვ. ; 20სმ.. - ყდაზე ავტ. მითით. არ არის. - რეზ. რუს. და ინგლ.. - ISBN: 978-9941-10-427-5[MFN: 146200]