პნევმოცისტა

(ბერძნ. pneumon ფილტვი, ლათ. cystis ბუშტი) - უმარტივესების ტიპის, სპორიანების კლასის წარმომადგენელია (Pneumocystis carinii). აღნიშნული მიკროორგანიზმით გამოწვეული დაავადება (პნევმონია) შიდსით შეპყრობილ პირებში ერთ-ერთ წამყვან შიდს-მარკერულ ოპორტუნისტულ ინფექციას წარმოადგენს. განვითარების ციკლი მოიცავს ტროფოზოიტების, პრეცისტის და 1,5-5მკმ ზომის, ოვალური ან ამებოიდური ფორმის ცისტისშიდა სხეულაკებს. აღმოჩენილია შინაურ ცხოველებში (ცხენებში, ძაღლებსა და ცხვრებში) და მღრღნელებში, თუმცა ინფექციის წყარო მხოლოდ ადამიანია. გადაცემის გზა უმთავრესად, ჰაერწვეთოვანია.