პჯრ

პოლიმერაზული ჯაჭვური რეაქცია. ამ სადიაგნოზო რეაქციის იდეა ეკუთვნის ამერიკელ კ.ბ.მიულისს (1983). მისი მეშვეობით დნმ-ს ერთი მოლეკულა შეიძლება გამოვლინდეს დნმ-ს სხვა, მილიონობით მოლეკულებს შორის. პჯრ შედგება დნმ-ს მოლეკულის ამპლიფიკაციის განმეორებითი ციკლებისაგან, რათა მიღებულ იქნეს ასლების საკმარისად დიდი რაოდენობა. რეაქციის ერთ-ერთი ძირითადი კომპონენტია 20-30 ფუძისაგან შემდგარი სინთეზური ოლიგონუკლეოტიდები, ე.წ. „პრაიმერები“, რომლებიც კომპლემენტურნი არიან საიდენტიფიკაციო მატრიცული დნმ-ს საიტებისადმი. აღნიშნულ მეთოდს დიაგნოსტიკა აჰყავს პრინციპულად ახალ, დნმ-სა და რნმ-ს განსაზღვრის დონემდე, რაც საშუალებას იძლევა გამოვავლინოთ ინფექციური აგენტი და გენეტიკური მუტაცია.