საფუარები

სოკოების ჯგუფი, რომელთაც ახასიათებთ დაკვირტვა და და-ყოფა. ცნობილია საფუარების 500-მდე სახეობა, რომლებიც მიეკუთვნებიან 3 კლასს - ასკომიცეტებს, ბაზიდიომიცეტებს და დეიტერომიცეტებს. საფუარების ერთი ნაწილი (Candida-ს, Cryptococcus-ის და Pityrosporum-ის გვარის საფუარები) პათოგენურია და იწვევს ადამიანის დაავადებებს. საფუარები ფართოდ გამოიყენება მეცნიერებაში როგორც ეუკარიოტული უჯრედების მოდელი, კვების მრეწველობაში (ლუდის წარმოება, მეღვინეობა და სხვ.), აგრეთვე მიკრობიოლოგიურ წარმოებაში. საფუარების ყველაზე უფრო ცნობილი წარმომადგენელია ლუდის საფუარი (Saccharomyces serevisiae), რომელიც გამოიყენება პურის წარმოებაშიც. ამავე გვარს მიეკუთვნება ღვინის საფუარი.