E. urethritisRus. уретритL. urethritis (ბერძნ. urethra შარდსადენი, itis ანთება) - შარდსადენის ლორწოვანი გარსის ანთება. დაავადების მიზეზი შეიძლება იყოს გონორეა (სპეციფიკური ურეთრიტი) ანდა სქესობრივი გზით გადაცემული ნებისმიერი სხვა ინფექცია - არაგონოკოკური ურეთრიტი (მაგ., ქლამიდიოზი), ანდა ურეთრის უმნიშვნელო ტრავმა მასში კათეტერის შეყვანისას. ურეთრიტის სიმპტომებია წვა და ტკივილი შარდის გამოყოფისას. დაავადების გამომწვევი მიკროორგანიზმების დაზუსტების შემდგომ, ავადმყოფს უნიშნავენ შესაბამის ანტიბიოტიკებს.
Source: გოგიჩაძე, გ. სამედიცინო ტერმინოლოგიის ქართულ-ინგლისურ-რუსულ-ლათინური განმარტებითი ლექსიკონი / გ. გოგიჩაძე, ა. გედენიძე, ჯ. ჭუმბურიძე ; [რედ.: ნოდარ ჭიჭინაძე, ალექსანდრე ქორელი]. - თბ. : მერიდიანი, 2009. - 496გვ. ; 20სმ.. - ბიბლიოგრ.: გვ. 394-395. - ISBN: 978-9941-10-174-8[MFN: 138888]