უჯრედი ღეროვანი

ნებისმიერი ქსოვილის (მათ შორის ჰემოპოზურის) უჯრედების წინამორბედი, არადიფერენირებული (პოლიპოტენტური) უჯრედი, რომლის დიფერენცირების შემდეგ წარმოიქმნება სპეციალიზებული უჯრედები (მაგ., სისხლის ყველა რიგის უჯრედები - ერითროციტები, ლეიკოციტები, თრომბოციტები). ადრე ღეროვან უჯრედებს იღებდნენ ემბრიონებიდან. ამჟამად აღმოჩნდა ადამიანის ღეროვანი უჯრედების ახალი წყარო - სანაყოფო წყლები. აქედან მიღებულ ღეროვან უჯრედებს იგივე თვისებები აქვთ, რაც ადამიანის ემბრიონიდან გამოყოფილ ღეროვან უჯრედებს. მათ ნებისმიერ ორგანოდ ან ქსოვილად ფორმირების უნარი აღმოაჩნდათ. სანაყოფო წყლებიდან ღეროვანი უჯრედების გამოყოფა ემბრიონს არავითარ ზიანს არ აყენებს.