ფილარიოზი

(დაავადების აღმძვრელის, Filaria-ს სახელის მიხედვით, ბერძნ. ოსის მდგომარეობა) - ტროპიკული და სუბტროპიკული ქვეყნებისათვის დამახასიათებელი დაავადებაა. გამომწვევებია პარაზიტული ნემატოდები (Wuchereria bancrofti da Brugia malayi). ადამიანის დაინვაზება ჰელმინთებით ხდება სხვადასხვა კოღოების (Aedes, Culex, Anopheles, Mansonia) კბენით. ჰელმინთები იწვევენ ლიმფური სადინრების ანთებას და მათ შემდგომ დახშობას, რასაც თან ახლავს გარემომცველი ქსოვილების შეშუპება და ე.წ. სპილოს სნეულების (გასპილოვნების) განვითარება. სამკურნალოდ იყენებენ დიეთილკარბამაზინს.