E. shigellosisRus. шигеллезL. shigellosis ბაქტერიოლოგიური ეტიოლოგიის დიზენტერია (იხ.), რომელიც გამოწვეულია Shigella-ს გვარის ბაქტერიების მიერ. აღნიშნული გვარი შედის Enterobacteriacea-ს ოჯახში. შიგელების გვარი იყოფა 4 სახეობად: Shigella dysenteriaea (აღმოაჩინა 1898 წელს იაპონელმა კ. შიგამ), S. flexneri, S. boydii და S. sonnei. სწორი, ფაკულტატურ-ანაერობული ჩხირია. შიგელების ვირულენტობა განპირობებულია მათი ადჰეზიური თვისებებით: ისინი ემაგრებიან მსხვილი ნაწლავის ენტეროციტებს მიკროკაფსულის საშუალებით. დაავადება ხშირად ატარებს ეპიდემიურ ხასიათს. პირველ ყოვლისა, აუცილებელია დარღვეული წყალ-მარილოვანი ბალანსის აღდგენა.
Source: გოგიჩაძე, გ. სამედიცინო ტერმინოლოგიის ქართულ-ინგლისურ-რუსულ-ლათინური განმარტებითი ლექსიკონი / გ. გოგიჩაძე, ა. გედენიძე, ჯ. ჭუმბურიძე ; [რედ.: ნოდარ ჭიჭინაძე, ალექსანდრე ქორელი]. - თბ. : მერიდიანი, 2009. - 496გვ. ; 20სმ.. - ბიბლიოგრ.: გვ. 394-395. - ISBN: 978-9941-10-174-8[MFN: 138888]