შიგელოზი

ბაქტერიოლოგიური ეტიოლოგიის დიზენტერია (იხ.), რომელიც გამოწვეულია Shigella-ს გვარის ბაქტერიების მიერ. აღნიშნული გვარი შედის Enterobacteriacea-ს ოჯახში. შიგელების გვარი იყოფა 4 სახეობად: Shigella dysenteriaea (აღმოაჩინა 1898 წელს იაპონელმა კ. შიგამ), S. flexneri, S. boydii და S. sonnei. სწორი, ფაკულტატურ-ანაერობული ჩხირია. შიგელების ვირულენტობა განპირობებულია მათი ადჰეზიური თვისებებით: ისინი ემაგრებიან მსხვილი ნაწლავის ენტეროციტებს მიკროკაფსულის საშუალებით. დაავადება ხშირად ატარებს ეპიდემიურ ხასიათს. პირველ ყოვლისა, აუცილებელია დარღვეული წყალ-მარილოვანი ბალანსის აღდგენა.