E. Congo- Crimean feverRus. Конго-Крымская лихорадкаL. Congo-Crimean febris იგივე ყირიმ-კონგოს ცხელება. გამომწვევი მიეკუთვნება ბუნიავირუსების ოჯახს (იხ. ვირუსი კონგო-ყირიმის ჰემორაგიული ცხელების). ვაზოტროპული ვირუსია. ძირითადი რეზერვუარი ბუნებაში ტკიპების მრავალი სახეობაა. ცხოველები, რომლებზეც ტკიპები პარაზიტობენ (თაგვები, ზღარბები, კურდღლები, ძროხები, ცხვრები და თხები) ვირუსის დროებითი რეზერვუარებია. ადამიანი უფრო ხშირად ინფიცირდება ტრანსმისიულად, ტკიპების კბენით. ადამიანიდან ადამიანს ინფექცია არ გადაეცემა. შესაძლებელია დაინფიცირება ავადმყოფის სისხლთან ან ინფიცირებულ საგნებთან კონტაქტისას, რადგანაც ავადმყოფის სისხლი დაავადების მწვავე ფაზაში შეიცავს ვირუსის მაღალ კონცენტრაციას. ვირუსი იწვევს გენერალიზებული კაპილაროტოქსიკოზის განვითარებას. დამახასიათებელია მაღალი ტემპერატურა, სისხლჩაქცევები, სისხლდენა შინაგანი ორგანოებიდან. ლეტალობა 40%-ს აღწევს.
Source: გოგიჩაძე, გ. სამედიცინო ტერმინოლოგიის ქართულ-ინგლისურ-რუსულ-ლათინური განმარტებითი ლექსიკონი / გ. გოგიჩაძე, ა. გედენიძე, ჯ. ჭუმბურიძე ; [რედ.: ნოდარ ჭიჭინაძე, ალექსანდრე ქორელი]. - თბ. : მერიდიანი, 2009. - 496გვ. ; 20სმ.. - ბიბლიოგრ.: გვ. 394-395. - ISBN: 978-9941-10-174-8[MFN: 138888]