ჯირკვლები

ეპითელური ქსოვილისაგან შემდგარი ორგანოები, რომლებიც გამოიმუშავებენ სხვადასხვა ფიზიოლოგიური დანიშნულების თხევად ნივთიერებებს - სეკრეტებს (მაგ., ლორწოს, ნერწყვს, ოფლს, კუჭის წვენს, ნაღველს და სხვ.) ან ინკრეტებს (ჰორმონებს), რომლებიც უშუალოდ სისხლში გადადის. განასხვავებენ ეგზოკრინულ (საოფლე, სანერწყვე და სხვ.), ენდოკრინულ (თირკმელზედა, ფარისებრ და სხვ.) და შერეული ტიპის ჯირკვლებს (სასქესო, კუჭქვეშა ჯირკვალი), რომელთაც გააჩნიათ შინაგანი და გარეგანი სეკრეცია.