არბოვირუსები

(ინგლისური სიტყვების Arthropod borne viruses-ის შემოკლებული ვარიანტი, რაც ნიშნავს ფეხსახსრიანებით გადატანილ ვირუსს) – ადამიანებისა და ხერხემლიანების რნმ-ის შემცველი ვირუსები, რომელთა გადამტანებია ფეხსახსრიანები (ტკიპები, კოღოები, მოსკიტები და სხვ.). იწვევენ ენცეფალიტებს და სხვა დაავადებებს. ვირუსების თანამედროვე კლასიფიკაციის მიხედვით, არბოვირუსები გადანაწილებული არიან ვირუსების სხვადასხვა ოჯახებში: ტოგავირუსებში (ალფავირუსის გვარი), ბუნიავირუსებში (ბუნიავირუსის, ფლებოვირუსის, ნაიროვირუსის გვარები), ფლავი-, რეო- და რაბდოვირუსებში (ვეზიკულური სტომატიტის ვირუსი).