ჰემოფილური ბაქტერიები

(ბერძნ. haima სისხლი, philia სიყვარული, მიდრეკილება, bakterion ჩხირი) - იგივე ჰემოფილები. მიეკუთვნებიან გვარ Haemophilus-ს. მასში გაერთიანებულნი არიან გრამ-უარყოფითი ბაქტერიებიბი. გვარი შეიცავს დაახლ. 20 სახეობას. ადამიანისათვის ყველაზე უფრო მნიშვნელოვანი პათოგენია Haemophilus influenzae, აგრეთვე ე.წ. რბილი შანკრის გამომწვევი - Haemophilus ducreyi. ახასიათებთ პლეომორფიზმი. გააჩნიათ პილები. ვირულენტობის წამყვანი ფაქტორია კაფსულა. იწვევენ პნევმონიებს, სინუსიტებს, მენინგიტებს, სეფტიცემიებს და სხვ. ჰემოფილურ ინფექციებს ერთ-ერთი პირველი ადგილი უკავიათ ბავშვთა სიკვდილიანობაში.