ჰერნია

(ლათ. hernia თიაქარი) - ქართულად: თიაქარი. ვისცერული ორგანოების გამოსვლა მუცლის ღრუს გარეთ, კანქვეშ ან სხვა ქსოვილებსა და ღრუებში. საზარდულის თიაქარი (inguinal hernia) შეიძლება განვითარდეს ძლიერი ფიზიკური დაძაბულობის ან ხველების შემთხვევაში. სათესლე პარკის თიაქარი (scrotal hernia) აგრეთვე მიეკუთვნება საზარდულის თიაქრებს, იგი ხშირად ეშვება სათესლე პარკში. განასხვავებენ აგრეთვე დიაფრაგმულ, ჭიპლარის (იგივე ემბრიონულ), ეპიგასტრულ და სხვ. სახის თიაქრებს. თიაქრის შემთხვევაში შეიძლება ადგილი ექნეს სხვადასხვა გართულებებს: ორგანოების შეშუპებას, ჩაჭედვას, სისხლის მიმოქცევის დარღვევას, ტკივილებს და სხვ. მკურნალობის საუკეთესო მეთოდი ქირურგიული ჩარევაა.