ბიფიდობაქტერიები

(ლათ. bifi dus გაორმაგებული, გახლე- ჩილი, ბერძნ. bakterion ჩხირი) – მიეკუთვნებიან აქტინომიცეტების გვარს. გრამ-დადებითები, უსპორო, უძრავი ჩხირებია, რომლებიც ხშირად იტოტებიან და ბოლოებში ივითარებენ ქინძისთავისმაგვარ შემსხვილებებს. ანაერობებია, თუმცა ამჟღავნებენ ტოლერანტობას ჟანგბადისადმი. შეადგენენ ბავშვების ნაწლავების ნორმალური ფლორის 80-90%-ს. თრგუნავენ სხვადასხვა ლპობის და პათოგენური მიკრობების განვითარებას. წარმოქმნიან K და B ჯგუფის ვიტამინებს და ხელს უწყობენ ნახშირწყლების მონელებას. პათოგენური თვისებები არ გააჩნიათ.