გრიპი ფრინველების

(ფრანგ. gripper დაჭერა) - წყლის ფრინველები წარმოადგენენ რნმ-ს ახალი გენების წყაროს. აქედან წარმოიქმნება ადამიანის გრიპის ვირუსის ახალი შტამები. იმ შემთხვევაში, თუკი ფრინველის და ადამიანის A გრიპის ვირუსები ერთდროულად დააინფიცირებენ რესპირატორული ტრაქტის ერთი და იგივე უჯრედს, ადგილი შეიძლება ჰქონდეს გენეტიკურ რეკომბინაციას, ანუ რეკომბინანტური გრიპის ვირუსის წარმოქმნას. ამ ვირუსის შუალედური მასპინძელია ღორი, რომლის უჯრედები შეიცავს როგორც ადამიანის, ასევე ფრინველების გრიპის ვირუსის რეცეპტორებს (იხ. ვირუსი ღორების გრიპის). 1997 წელს გრიპის ვირუსის ახალმა შტამმა (H5N1), რომელიც ადრე გავრცელებული იყო ქათმებში, გადალახა სახეობრივი ბარიერი და გამოიწვია ადამიანის დაავადება. ჯანმო-ს 2007 წლის მონაცემებით, აზიის ქვეყნებში დაფიქსირებულ იქნა H5N1- ის 112 სეროლოგიურად დამტკიცებული შემთხვევა, რომელთაგან 57 ადამიანის დაიღუპა.