E. japan encephalitis virusRus. вирус японского энцефалитаL. japan encephalitis virus (ბერძნ. enkephalos თავის ტვინი, ლათ. virus შხამი) - ფლავივირუსების ოჯახის წარმომადგენელია, რნმ-ს შემცველი ვირუსი. ვირუსის რეპროდუქციის ადგილი ცენტრალური ნერვული სისტემის უჯრედებშია. იგი იწვევს მათ დეგრადაციას და სიკვდილს. გარდა ცენტრალური ნერვული სისტემის უჯრედებისა, ვირუსი რეპროდუცირდება ლიმფოციტებში და პარენქიმული ორგანოების უჯრედებში. დაავადება გავრცელებულია სამხრეთ-აზიის ქვეყნებში და რუსეთის აღმოსავლეთ რაიონებში. ვირუსის რეზერვუარს წარმოადგენენ გარეული ფრინველები, მღრღნელები, მსხვილი რქოსანი საქონელი, ცხენები, ღორები. ვირუსის გადამტანია კოღოები.
Source: გოგიჩაძე, გ. სამედიცინო ტერმინოლოგიის ქართულ-ინგლისურ-რუსულ-ლათინური განმარტებითი ლექსიკონი / გ. გოგიჩაძე, ა. გედენიძე, ჯ. ჭუმბურიძე ; [რედ.: ნოდარ ჭიჭინაძე, ალექსანდრე ქორელი]. - თბ. : მერიდიანი, 2009. - 496გვ. ; 20სმ.. - ბიბლიოგრ.: გვ. 394-395. - ISBN: 978-9941-10-174-8[MFN: 138888]