ვიტამინი B1

(ლათ. vita სიცოცხლე, aminum ამინი) - განსაკუთრებით ბევრია საფუარში, პურის ღერღილში, პარკოსან ბოსტნეულში, ცხოველების თირკმლებში, ღვიძლსა და ტვინში, ძროხისა და ცხვრის ხორცში და კვერცხის ყვითრში. საკვებ რაციონში ამ ვიტამინის სიმცირე პირველ ყოვლისა ვლინდება კუნთებისა და ნერვული სისტემის ფუნქციების ამა თუ იმ დარღვევებში. თუ ვიტამინის დეფიციტი უფრო გაღრმავდა, თავს იჩენს სპეციფიკური დაავადება ბერი-ბერის სახელწოდებით. ამ დროს ადგილი აქვს კუნთების ატროფიას დ დამბლას. საქართველოში ეს დაავადება იშვიათია, რადგანაც ჩვენში მიღებულ კვების რაციონში შედის ვიტამინ B1-ის შემცველი შავი პური, ლობიო და ა.შ. დღე-ღამის განმავლობაში ჯანმრთელი ადამიანისათვის აუცილებელია ამ ვიტამინის 1,5-2,0 მგ.