ვიტამინი C

(ლათ. vita სიცოცხლე, aminum ამინი) - ადამიანის ორგანიზმში არ სინთეზდება და ამიტომ სისტემატურად უნდა იქნეს მიღებული საკვები პროდუქტების მეშვეობით. მისი დეფიციტის შემთხვევაში პირველ ყოვლისა ზიანდება სისხლძარღვების კედლები, ვითარდება მძიმე დაავადება სკორბუტი (იხ.). ასკორბინის მჟავას შეიცავს მრავალი ახალი ბოსტნეული და ხილი, მაგრამ ამ ვიტამინით განსაკუთრებით მდიდარია ოხრახუში, კამა, ასკილი, ახალი თეთრთავიანი კომბოსტო, მოცხარი, პომიდორი, ციტრუსები და კარტოფილი.