ინფექცია მენინგოკოკური

(ლათ. infectio ვწამლავ, ვასენიანებ, ბერძნ. meninx ტვინის გარსი, kokkos მარცვალი) - მძიმე ინფექციური დაავადებაა, რომელსაც იწვევს მენინგოკოკი - Neisseria meningitidis. ბაქტერიის ენდოტოქსინს, გარდა ტოქსიკურობისა, გააჩნია პიროგენური, ნეკროზული და ლეტალური მოქმედებაც. ინფექცია გადეცემა ჰაერ-წვეთოვანი გზით. ბაქტერია იწვევს ნაზოფარინგიტს, მენინგოკოკცემიას, ხოლო ჰემატოენცეფალური ბარიერის გადალახვის შემთხვევაში - ეპიდემიურ ცერებროსპინალურ მენინგიტს (ზურგის და თავის ტვინის რბილი გარსების ჩირქოვანი ანთება). გადატანილი დაავადების შემდეგ ფორმირდება მყარი, ხანგრძლივი ანტიმიკრობული იმუნიტეტი. მკურნალობისათვის იყენებენ სულფანილამიდურ პრეპარატებს და ანტიბიოტიკებს.