ლეიშმანიები

უმარტივესების ტიპის შოლტიანების კლასის წარმომადგენელია, უჯრედშიდა პარაზიტები. ცნობილია დონოვანის ლეიშმანია (L.donovani), ტროპიკული ლეიშმანია (L.tropica) და სხვ. პირველი იწვევს ვისცერულ ლეიშმანიოზს (კალააზარს), ხოლო მეორე - კანის ლეიშმანიოზს ანუ აღმოსავლურ წყლულს. ტროპიკული ანუ კანის ლეიშმანიოზის რეზერვუარს წარმოადგენენ მღრღნელები, მტაცებლები, ძაღლი, კატა, აქლემი. ვისცერული ლეიშმანიოზის გადამტანებია ჩინური ფლებოტომუსი (Phlebotomus chinensis) და კანდელაკის ფლებოტომუსი (Phl. kandelaki), ხოლო კანის ლეიშმანიოზის გადამტანებია Phl.papatasii და Phl. sergentii.