ნოკარდიოზი

ადამიანის სისტემური დაავადებაა, რომლის გამომწვევია აქტინომიცეტი Nocardia asteroides, უფრო იშვიათად კი N.farcinica, N.brasiliensis და სხვ. ნოკარდიები ძალზე ახლოს დგანან ტუბერკულოზის გამომწვევ მიკობაქტერიებთან: მდგრადები არიან მჟავების მიმართ, გრამ-დადებითებია, უმოძრაონი. დამახასიათებელია მწვავე და ქვემწვავე პნევმონიების განვითარება, ზოგჯერ პათოლოგიური პროცესის ჰემატოგენური გენერალიზაციით. შესაძლებელია ცენტრალური ნერვული სისტემის დაზიანებაც. დაავადება პირველად აღწერა ე. ნოკარმა 1888 წელს. სამკურნალოდ იყენებენ ანტიბიოტიკებს (ტეტრაციკლინებს, ამინოგლიკოზიდებს და სხვ.).