ალკოჰოლური ინტოქსიკაცია

(ლათ. alcohol ალკოჰოლი, in ში, ბერძნ. toxikon შხამი) – ალკოჰოლი (ეთანოლი) ცენტრალური ნერვული სისტემის დეპრესანტია, განსაკუთრებით აქევეითებს თავის ტვინის აქტივობას. პირდაპირ აბსორბირდება სისხლში, მეტაბოლიზდება უმთავრესად ღვიძლში. ალკოჰოლის დონე სისხლში პირველ ყოვლისა დამოკიდებულია რაოდენობაზე (კონცენტრაციაზე). სისხლში ალკოჰოლის 0,02%-ის შემცველობისას, ადამიანი ბევრს საუბრობს და კონტაქტაბელურია; ალკოჰოლის 0,08%-ის შემცველობისას, ადამიანის მანქანის საჭესთან ჯდომა არ არის რეკომენდებული; დაახლოებით 0,20%-ის შემცველობისას, ადამიანი კარგავს კონტროლს საუბარზე და სიარულზე, დეზორიენტირებულია, მხედველობა გაორმაგებული აქვს და ა.შ.