სოფელი მცხეთის მუნიციპალიტეტში (წეროვნის თემის საკრებულო), სხალტბის ქედის ჩრდილოეთ კალთაზე. ზღვის დონიდან – 860 მეტრი, მცხეთიდან – 20 კილომეტრი. 2002 წლის აღწერის მონაცემებით სოფელში ცხოვრობს 3 კაცი. სოფლის დასავლეთით 1,5 კილომეტრზე, სასაფლაოზე, დგას ქართული ხუროთმოძღვრების ძეგლი – აგურით ნაგები ერთნავიანი ეკლესია; სამხრეთის კარის თავზე მოთავსებული წარწერის თანახმად, ეკლესია 1669 წელს ეკლესია აუშენებია ივანე ზედგენიძის ძეს სახლთუხუცესს შიოშსა და მის მეუღლეს თამარს. აღსანიშნავია აგრეთვე თამარ მეფის დროს (1202 წ) სხალტბიდან შიომღვიმის მონასტრისთვის გაყვანილი წყალსადენი, რაც იმ დროისათვის რთულ ჰიდროტექნიკურ ნაგებობას წარმოადგენდა.
to main page 
top of page