ტაბარუკი

1. უმიწო გლეხი, რომელსაც არ გააჩნია წარმოების საშუალებები. ქართულ წყაროებში XVIII საუკუნიდან გვხვდება აქა-იქ, XIX საუკუნეში მათი რიცხვი მრავლდება. სულხან-საბას განმარტებით, ტაბარუკი ახალმოსული გლეხია, ისინი ძირითადად თავიანთი მიწებიდან აყრილ-გაქცეული ხალხია, რომლებიც საარსებო საშუალებათა ძიებაში იცვლიდნენ საცხოვრებელ ადგილს.
2. სოფელი მცხეთის მუნიციპალიტეტში (ლისის თემის საკრებულო), თრიალეთის ქედის აღმოსავლეთ კალთაზე, მდინარე დიღმისწყლის (მტკვრის მარჯვენა შენაკადი) ზემოეთში. ზღვის დონიდან - 960 მეტრი, მცხეთიდან - 48 კილომეტრი. 2002 წლის აღწერის მონაცემებით სოფელში აღარავინ ცხოვრობს.
   Source: უნივერსალური ენციკლოპედიური ლექსიკონი : [3 ტომად] / შეადგინა ალექსანდრე ელერდაშვილმა. - I-ლი გამოც.. - [თბ.] : ფანტაზია, 2006. - 28სმ.[MFN: 136149]