უდაბნო

1. დედამიწის დაუსახლებელი ნაწილი, ჩვეულებრივ სრულიად უწყლო და უმცენარო.
2. განმარტოებით მდგარი მონასტერი.
3. მთა გარდაბნის მუნიციპალიტეტში, მდებარეობს ივრის ზეგანზე (879 მეტრი).
4. სოფელი საგარეჯოს მუნიციპალიტეტში, მდებარეობს გარეჯის ზეგანზე. თემის ცენტრი. ზღვის დონიდან – 750 მეტრი, საგარეჯოდან – 45 კილომეტრი. 2002 წლის აღწერის მონაცემებით სოფელში ცხოვრობს 811 კაცი. სოფლის მახლობლად არის სამონასტრო კოპლექსი დავითგარეჯა.
5. ხუროთმოძღვრების ძეგლი, სამონასტრო კომპლექსი, შუა საუკუნეების საქართველოს რელიგიურ-კულტურული ცენტრი – დავითგარეჯის სამონასტრო კომპლექსში (საგარეჯოს მუნიციპალიტეტი).
   Source: უნივერსალური ენციკლოპედიური ლექსიკონი : [3 ტომად] / შეადგინა ალექსანდრე ელერდაშვილმა. - I-ლი გამოც.. - [თბ.] : ფანტაზია, 2006. - 28სმ.[MFN: 136149]