ადმინისტრაციულ-ტერიტორიული ერთეული საქართველოს ცენტრალურ რეგიონში, ისტორიულ შიდა ქართლში. შედის მცხეთა-მთიანეთის მხარეში. მუნიციპალიტეტის ტერიტორია 1917 წლამდე ტფილისის გუბერნიის გორის მაზრაში შედიოდა, 1922 წლიდან სამხრეთ ოსეთის ავტონომიური ოლქის შემადგენლობაში იყო, 1992 წლიდან საქართველოს ხელისუფლების იურისდიქციის ქვეშ მყოფი ცალკე რაიონია. ფართობი 1011 კვ. კმ. 1 დაბა, 117 სოფელი. მოსახლეობა - 7.600 (2002 წ).
Source: უნივერსალური ენციკლოპედიური ლექსიკონი : [3 ტომად] / შეადგინა ალექსანდრე ელერდაშვილმა. - I-ლი გამოც.. - [თბ.] : ფანტაზია, 2006. - 28სმ.[MFN: 136149]